KIKWETE ZIARANI MKOANI KILIMANJARO LEO

RAIS wa Jamhuri  ya muungano wa Tanzanzania  Jakaya Mrisho Kikwete anatarajia kuwa na ziara ya siku nne  mkoani Kilimanjaro kuanzia tarehe 28-31 Oktoba mwaka huu.

Akitoa taarifa kwa waandishi wa habari mkoani humo juu ya ujio huo mapema leo, Mkuu wa mkoa wa Kilimanjaro Leonidas Gama amesema katika ziara hiyo atazindua miradi mbalimbali ya maendeleo ikiwa ni pamoja na kuzungumza na wananchi katika mikutano ya hadhara. Gama amesema katika ziara hiyo Rais ataweza kutembelea halmashauri za wilaya tano za mkoa wa Kilimanjaro ambapo ni Same,Mwanga, Rombo,Hai Moshi Manispaa. Mkuu huyo wa mkoa amesema katika wilaya ya Same Rais  atapata fursa ya kuzungumza na wananchi,kuzindua kiwanda cha tangawizi kilichojengwa kwa nguvu za raia ikiwa ni pamoja na kutembelea wahanga 8 walioathirika katika maporomoko ya udongo na kuzindua nyumba alizoahidi kuwajengea wahanga hao. Amesema katika wilaya ya Mwanga atazindua mabweni ya shule ya wasichana ya Asha Rose Migiro na kuweka jiwe la misingi ambapo katika wilaya ya Rombo atazindua mradi wa barabara ya Mkuu/Tarakea.

Aidha Gama amesema kusema katika wilaya ya Hai atapata fursa ya kuweka jiwe la msingi katika Sadala/Masama na katika Manispaa ya Moshi ataweza kuzindua jengo la Mkaguzi Mkuu wa serikali (CAG).