MWANAJESHI MMOJA AFA KWA AJAL YA NDEGE DAR

Mwanajeshi mmoja amefariki  dunia na mwingine kujeruhiwa vibaya baada ya ndege waliokuwa wakiirusha kuanguka leo jijini Dar es Salaam.

Ndege hiyo ya Jeshi la Wananchi Tanzania (JWT) ilikuwa na marubani wawili na mmoja alifariki dunia wakati akijaribu kuruka baada ya  ndege hiyo kupata hitilafu

wakati ikiwa hewani karibu na eneo hilo.

Tukio hilo limetokea leo katika kambi ya Jeshi la Anga, Ukonga jijini Dar es Salaam. Mwili wa mwanajeshi aliyefariki umehifadhiwa katika hospitali ya Jeshi ya  Lugalo, Dar es Salaam.

Askari aliyejeruhiwa vibaya katika ajali hiyo ni Kapteni Feruz Kwibika ambaye alipasuka kichwa na kulazwa katika hospitali hiyo. Kwibika alijeruhiwa vibaya baada  ya kuruka kutoka ndani ya ndege hiyo kwa lengo la kuokoa maisha yake baada ya kutokea hitilafu hiyo.

Wanajeshi hao walikuwa kwenye mafunzo ya kawaida ambayo JWT wamekuwa wakifanya kwa ajili ya kuwajenga vijana wa jeshi hilo.