KAMATI ZA SHULE ZAHIMIZWA KUTAFUTA NJIA ZA KUZIINGIZIA KIPATO SHULE ZAO

 Mwalimu mkuu smsingi Darajani akitoa taarifa ya shule

 Mwenyekiti wa kamati ya shule ya msingi Darajani ktk wilaya mpya ya Mkalama mkoani Singida akiwa na wahitimu wa darasa la saba

 Wahitimu wa darasa la saba shule msingi Darajani ktk wilaya Mkalama mkoani Singida wakitumbuiza kabla ya kuagwa

 Wazazi na walezi waliohudhuria mahafali ya nne shule msingi Darajani iliyopo kijiji cha Msingi katika wilaya mpya ya Mkalama

 Msichana Amina Musa akipokea cheti cha taaluma kutoka kwa mgeni rasmi afisa elimu wilaya Iramba Leonard Ngaharo

Na Mwandishi wetu, Singida
HALMASHAURI ya Wilaya Iramba Mkoani Singida imezitaka kamati  za shule kubuni miradi itakayoziba pengo la fedha za ruzuku,zilizokuwa zinatolewa na Serikali.
 
Afisa elimu shule za msingi Wilaya Iramba, Leonard Ngaharo, alisema hayo kwenye mahafali ya tatu, kwa wanafunzi 30 wa shule ya msingi Darajani, iliyopo wilaya mpya ya Mkalama, mkoani Singida.

 

Alisema, masharti magumu na kujitoa kwa wafadhili kusaidia sekta ya elimu, imeathiri ujenzi wa miundo mbinu ikiwemo vyumba vya madarasa na nyumba za walimu,ambayo awali ilitekelezwa kwa kutumia fedha za maendeleo-CG, nchini.
 
Alisema sababu kubwa ni wafadhili kujitoa na masharti magumu kutoka kwa wahisani, hali aliyowataka wananchi kubadilika kwa kamati za shule kubuni miradi itakayosaidia shule zote za msingi kujitegemea.
 
Mapema akitoa taarifa, mwalimu mkuu wa shule hiyo, Mary Ntoga alisema pamoja na changamoto zilizopo, lakini wazazi, walezi na wananchi kwa ujumla wanaoizunguka shule wanashiriki vema katika kuiendeleza shule yao.
 
Alisema kwa kuonyesha ushirikiano huo kwa vitendo, familia ya Daniel Kazimoto ya kijiji hicho inajitolea kila mwaka kulima bure shamba lenye ukubwa wa ekari 20 kwa kutumia jembe la kukokotwa kwa ng’ombe, huku shule ikiwajibika katika palizi pekee.