RENI LAUA DRC

Watu wasiopungua 10 wameuawa na wengine wanne kujeruhiwa baada ya treni mbili kugongana huko kusini magharibi mwa Jamhuri ya Kidemokrasia ya Congo.

Imearifiwa kuwa treni moja ilikuwa ikitoka mji mkuu Kinshasa na  ya pili kutoka Matadi mji mkuu wa mkoa wa Bas-Congo wakati ajali hiyo ilipojiri Jumamosi katika eneo la Songololo  karibu na Matadi.

Sababu ya ajali hiyo haijulikani lakini uharibifu mkubwa umeripotiwa kutokea baad aya treni hizo kugongana. Reli ya Matadi-Kinshasa yenye urefu wa kilomita 365 ilianza kutumiwa mwaka 1898 na imechakaa kabisa.

Ajali za treni hutokea mara kwa mara Kongo kutokana na ukosefu wa ukarabati wa reli zilizojengwa wakati wa ukoloni.