WAMAREKANI LEO KUAMUA NANI ATAKUWA RAIS WAO KWA KIPINDI KIJACHO....

Leo Ni Siku Ya Kuamua Kwa Wamarekani

Ni mchuano mkali kati ya Barack Obama na Mitt Romney. Tutaendelea kuripoti kinachoendelea kwenye uchaguzi huo
 

MAREKANI

Ripoti mpya zinaonyesha kuwa mamilioni ya Wamarekani wameamua kutopiga kura katika uchaguzi wa 57 wa  Rais  nchini humo.

Ripoti zilizotolewa jana zinaonyesha kuwa jumla ya raia  milioni 90 waliotimisha masharti ya kupiga kura hawatashiriki katika uchaguzi huo na kwamba ni watu milioni 150 pekee ndio waliojiandikisha kupiga kura kati ya milioni 207 waliotimiza masharti ya kupiga kura huko Marekani.

Uchunguzi wa maoni uliofanywa pia na taasisi ya Gallup kuanzia Oktoba 15 hadi 28 unaonyesha kuwa ushiriki wa watu katika uchaguzi wa Rais wa mwaka huu huko Marekani utakuwa wa chini ikilinganishwa na ule uliofanyika katika chaguzi mbili zilizotangulia.

Wakati huo huo Rais Barack Obama wa Marekani amewataka wafuasi wake wawashawishi ndugu na marafiki zao washiriki kwenye uchaguzi wa rais wa Jumanne ya leo.

Akizungumza jana usiku mbele ya hadhara ya wafuasi wake, Obama alisema na hapa ninamnukuu" hili ni jukumula kila raia wa Marekani kushiriki katika uchaguzi", mwisho wa kunukuu.

Amesema chama cha Democrat kitashinda pia  katika uchaguzi huu wa leo kama kilivyoshinda katika uchaguzi wa mwaka 2008.