15 WATEULIWA KUWAKILISHA MKOA KATIKA MASHINDANO YA RIDHA MKOANI MBEYA

Chama CHA RIADHA Mkoa wa Mbeya (MBERAA), kimefanikiwa kuteua majina ya wanariadha 15 watakaouwakilisha mkoa huo kwenye mashindano ya taifa yanayotarajiwa kufanyika Septemba saba Jijini Dar es salaam.

Akitangaza uteuzi huo muda mfupi baada ya kumalizika mashindano ya mwisho ya mchujo yaliyofanyika katika uwanja wa kumbukumbu wa Sokoine Jijini hapa, Katibu Msaidizi wa chama hicho mkoani hapa Moses Ng’wat, alisema wachezaji hao ni wale waliofikia au kukaribia viwango vyas taifa kwa kila kipengele.

Aliwataja waliochaguliwa katika mita 100 kwa upande wa wanaume na wanawake na muda waliokimbia katika mabano kuwa ni Method Kahango (sekunde 12:00)na Watson Yatta (sekunde 12:08) kwa upande wa wanaume na wanawake ni Elizabeth Mwakalobo (sekunde 14:02).

Aliwataja wengine katika mita 200 kuwa ni Peter Patrick (Sekunde 24:84),Watson Yatta (Sekunde 24:86)na Method Kahango (Sekunde 24:90) kwa upande wa wanaume, na wanawake waliochaguliwa ni Elizabeth Mwakalobo (Sekunde 27:17) na Nelly Issa (Sekunde 27:38).

Aliongeza kuwa waliochaguliwa katika mita 400 wanaume ni Amos Mwakasya aliyekimbia sekunde 55:68, huku kwa upande wa wanawake waliochaguliwa ni Mponjo Mwalyambi aliyekimbia Sekunde 59:95 na Anna Mwakalobo aliyekimbia Sekunde 1:09.

Ng’wat aliwataja waliochaguliwa katika mbio  za kati za mita 800 na 1500 kwa upande wa wanaume na wanawake kuwa  John Joel (Dakika 1:56:09), Bonface Andrew (Dakika 2:00) wanaume na wanawake ni bingwa wa taifa wa mashindano ya shule za sekondari ,Maria Sikanyika aliyekimbia muda wa dakika 1;59:86.

Aliwatangaza wengine walioshinda na kuchaguliwa katika mita 500 kwa wanaume kuwa ni Moses Mwandemba  alkiyekimbia kwa muda wa (dakika 15:45:62), wakati katika kuruka chini waliochaguliwa ni Watson Yata aliyeruka (mita 6:20), Christopher Jackson (Mita 6:10) na Bonface Andrew mita 5:95 kwa upoande wa wanaume na Neema Kibonde (mita 4:30) kwa wanawake.

Hata hivyo kuhusu kambi katibu huyo Msaidizi alisema timu hiyo inatarajia kuanza kambi Augost 22 mwaka huu na wachezaji hao watakuwa chini ya mwalimu wa timu ya mkoa ambaye pia ni mchezaji wa kimataifa wa Tanzania Lwiza John, akisaidiwa na Jackob Ndawi.

Aidha, Ng’wat aliwataka wadau wa michezo katika ngazi zote kujitokeza kuisaidia timu hiyo katika michango ya hali na mali ili iweze kufanikiwa kujiandaa vizuri katika kipindi kilichobaki kabla ya kwenda kwenye mashindano ya taifa Septemba saba mwaka huu jijini Dar es salaam.