WAZIRI ATANGAZA KIAMA KWA WACHAKACHUZI WA PEMBEJEO ZA KILIMO MWAKA HUU

Naibu Waziri wa Kilimo, Chakula na Ushirika Mheshimiwa ADAM MALIMA ametangaza kuwa siku za watu wenye tabia ya kuchakachua Mbolea za Kilimo kwa wakulima kwa kuchanganya Simenti na Chumvi katika Mbolea hizo zinahesabika.

Mheshimiwa MALIMA ametangaza kauli hiyo leo jijini Dar es salam wakati akizungumza katika Kipindi cha Hello Tanzania kinachorushwa na Kituo cha Uhuru FM kila siku Asubuhi, huku akisema watu hao watafikishwa Mahakamani ili iwe fundisho kwa wengine.

Naibu Waziri huyo amesema kuhesabika kwa siku za watu hao inatokana na mpango wa serikali wa kumpa mamlaka zaidi Mthibiti wa Mbolea Nchini kuwakamata na kuwakuchukuliwa hatua kali za kisheria watu hao wanaorudisha nyuma maendeleo ya mkulima nchini.

Kazi ya Mthibiti huyo wa Mbolea Nchini ni kusimamia ipasavyo masuala yote ya mbolea na kuishauri serikali njia za kukomesha mtandao unaotumiwa na watu wasiowatakia mafanikio wakulima kwa kuwachakachulia Mbolea za mazao kwa manufaa yao binafsi.

Kuhusu suala la malipo ya Korosho kwa wakulima wa Tunduru, Rufiji na Mkurunga, Mheshimiwa MALIMA amewakata kuwa wavumilivu wakati serikali ikiendelea kufuatilia malipo hayo ambapo katika Wilaya ya Mkuranga tayari pesa za wakulima zimeshapelekwa na anashangaa ni kwa nini hawajalipwa bado.